Ang “Tata Selo” ni Rogelio R. Sikat at ang Lipunang Pilipino

Bago ang pagsusuri sa anumang binasang teksto at bigyang reaksyon ito, kinakailangang masigurado muna ang pag-unawa sa teksto. Kaya nga dito tayo magsimula sa talakayan ng maikling kuwento ni “Tata Selo.”

I. Pag-unawa sa Binasa

1. Gumawa ng balangkas ng kuwentong ito batay sa mga kausap ni Tata Selo.  Maglagay rin ng buod ng mga pinag-usapan sa bawat bahagi. Tandaan: hindi banghay o pagkakasunod-sunod ng pangyayari ang gagamiting batayan sa pagbuo ng balangkas gaya ng nakagawian, kundi mga aktibong tauhan na nakasalamuha/nakausap ni Tata Selo sa kuwento.  Pag-usapan natin ito pagkatapos.

II. Pagsusuri sa Binasa:

Isang paraan ng pagsusuri sa binasa na maaaring gawin ay ang pag-uugnay nito sa lipunan.  Kaya nga tingnang muli ang “Tata Selo” at iugnay ito sa mga usaping makikita sa lipunang Pilipino.  Gaano kalapit o kalayo sa katotohanan ang kalagayan at mga pangyayari sa kuwento.

1. Para sa mga factual na talakayan ng isyu sa lupa sa Pilipinas, tingnan kung makatutulong ang bahagi ukol sa agrikultura sa Ronald E. Dolan, ed. Philippines: A Country Study. Washington: GPO for the Library of Congress, 1991.

2. Para sa mga epekto ng kalagayang agrikultural sa Pilipinas, tingnan halimbawa ang artikulo sa New York Times na: For Philippine Family in Politics, Land Issue Hits Home at ang opinyon tungkol dito sa Land Issues in the Philippines.